რუსეთში ბაზირებულ საერთაშორისო იურიდიულ ფირმასთან „DLA Piper“ რვაწლიანი თანამშრომლობის შემდეგ, ჯონ მაკვეიმ - „Nixedonia“-ს გენერალურმა დირექტორმა და მთავარმა ინსტრუქტორმა (ქოუჩმა), 2015 წელს სანქტ-პეტერბურგში, დამოუკიდებელი იურიდიული პირის სახით „Nixedonia“-ს პირველი ოფისი დააფუძნა, რომლის მიზანიც წამყვანი იურიდიული ფირმებისათვის უფრო მეტი კომერციული წარმატების მიღწევაში დახმარების აღმოჩენა გახლდათ. შემჩნეულ იქნა, რომ მიუხედავად იურისპრუდენციის შესანიშნავი ცოდნისა, საუკეთესო იურიდიულ ფირმათა მხოლოდ რამდენიმე იურისტი და პარტნიორი თუ ფლობდა იურიდიულ სფეროში მარკეტინგისა და გაყიდვების უნარ-ჩვევებს. იურისტების უმეტესობას გავლილი არ ჰქონდა რაიმე სახის მოსამზადებელი ტრენინგი იურიდიული მომსახურებების მარკეტინგისა და გაყიდვების სფეროში. ამრიგად, „Nixedonia“ ზრდის იურიდიულ ფირმათა შემოსავლებს ორი მთავარი აქტივობის მეშვეობით: „პირისპირ“ ჯგუფური ტრენინგებითა და კონსულტაციებით ბიზნესის განვითარების სფეროში.
თავდაპირველად, „Nixedonia“ რუსეთისა და ბალტიისპირეთის სახელმწიფოების იურიდიულ ფირმებთან თანამშრომლობდა (2015წ.), შემდეგ კი ურთიერთობის სფერო აღმოსავლეთ ევროპისა (2016წ.) და ბალკანეთის ქვეყნების მიმართულებითაც გააფართოვა (2017წ.).
შედეგად, სამხრეთ-აღმოსავლეთ ევროპაში საქმიანი ბაზის სახით 2017 წელს „Nixedonia“-ს მეორე ოფისი ქ. კიშინიოვში (მოლდოვის რესპუბლიკა) გაიხსნა. 2022 წელს „Nixedonia“-მ საქმიანობის სფერო დასავლეთ ევროპაში გააფართოვა და, ედინბურგში მესამე ოფისი გახსნისთანავე, კომპანიის სათავო ოფისი შოტლანდიაში გადავიდა. „Nixedonia“ შოტლანდიის იურიდიული პირი გახდა. ევროპის გარდა, „Nixedonia“ თანამშრომლობდა მთელ რიგ იურიდიულ ფირმებთან აზიაში (სინგაპური, სეული, ჰანოი, ბანგკოკი), ახლო აღმოსავლეთსა (თელ-ავივი, კაირო) და აფრიკაში (ლუსაკა, აკრა). იურისდიქციის მიუხედავად, კომერციული უნარ-ჩვევების გაუმჯობესების აუცილებლობა საკმაოდ მაღალი რჩება, ხოლო ხელშესახები სარგებელი, რომელიც კლიენტებმა „Nixedonia“-სთან თანამშრომლობის დაწყების შედეგად მიიღეს, ტრენინგებსა და კონსულტაციებში ინვესტირების ფონზე, სრულად გამართლებული აღმოჩნდა.
2018 წლის მონაცემებით, 360-ზე მეტმა იურიდიულმა ფირმამ 60-ზე მეტ ქვეყანაში „Nixedonia“-ს მომსახურების წყალობით სარგებელი ჰპოვა.
71/9, Haymarket Crescent, LIVINGSTON, UK EH54 8AU
+44 7534 729 009, robert@nixedonia.com
29, Zhilianskaya str., KYIV, Ukraine
+380 94 710 2767, daniil@nixedonia.com
24, Radio str., MOSCOW, Russia
+7 916 752 27 51, ekaterina@nixedonia.com
12/1, Stefan cel Mare bd., CHISINAU, Moldova MD2012
+373 795 34 360, andrey@nixedonia.com
16, Nevsky Prospect, ST PETERSBURG, Russia
+7 960 229 23 51, alexander@nixedonia.com
„Nixedonia“-ს მთავარი საქმიანობა - უფრო მეტი კომერციული წარმატების მისაღწევად იურიდიული ფირმების დახმარებაა, მათი პარტნიორებისა და იურისტებისთვის ბიზნესის განვითარებაში ტრენინგების ჩატარების მეშვეობით. როგორც წესი, ტრენინგები ყოველთვიური ან ყოველკვარტალური სესიების ხასიათს ატარებს და ბიზნესის განვითარების ერთ კონკრეტულ სფეროს შეეხება. სტანდარტული სესია სამ საათს გრძელდება, ხოლო ჯგუფში დამსწრეთა რაოდენობა 10-20 ადამიანს შეადგენს (შესაძლებელია უფრო დიდი ან მცირე ჯგუფების დაკომპლექტებაც).
საერთო ჯამში, „Nixedonia“ გთავაზობთ სხვადასხვა დონის სირთულის მქონე ათეულობით სესიას: საბაზისო (დამწყები იურისტებისათვის), საშუალო და მაღალი დონის (მხოლოდ პარტნიორებისათვის).
ქვემოთ მოცემულ ბმულებზე გადასვლით, თქვენ შესძლებთ უფრო მეტი ინფორმაციის მიღებას ინდივიდუალურ სესიებთან დაკავშირებით.
იურისტებისათვის ბიზნესის განვითარებაში ტრენინგების გარდა, იურიდიული ფირმების ძირითად თუ დამხმარე პერსონალს „Nixedonia“ ასევე ეხმარება ჩამოთვლილ სფეროებში ზოგადი ბიზნეს უნარ-ჩვევების განვითარებაშიც.
ბიზნესის განვითარებაში სესიების მსგავსად, თითოეული სესიის ხანგრძლივობა ასევე სამი საათია.
ჩამოთვლილთაგან ნებისმიერი სესიით დაინტერესების შემთხვევაში, გთხოვთ, დაუყოვნებლივ მოგვმართოთ დამატებითი ინფორმაციისთვის.
პრაქტიკულ სესიებსა და ბიზნესის განვითარებაში ზოგად ტრენინგებს შორის მსგავსება საკმაოდ დიდია. მიუხედავად იმისა, რომ პრაქტიკული სესიების დროს ახალი მასალის წარმოდგენა არ ხდება, იურისტებთან და პარტნიორებთან ერთად, ჩვენ ვმუშაობთ ბიზნესის განვითარებასთან დაკავშირებული ამოცანების შესრულებაზე, ადრე ჩატარებულ სტანდარტულ ტრენინგ-სესიებზე დაყრდნობით. მაშინ როდესაც სტანდარტული ტრენინგ-სესიები თეორიულ ხასიათს ატარებს, პრაქტიკული სესიები ბიზნესის განვითარების უნარ-ჩვევების პრაქტიკულ გამოყენებას ემსახურება.
ეს გახლავთ ინდივიდუალური ქოუჩინგი, ბიზნესის განვითარების ყველა რესურსის გამოყენებით, 1-2-1, პარტნიორებისთვისა და უფროსი იურისტებისათვის. ქოუჩინგი გაყიდვებში პრემიუმ-სერვისია, რომელიც ბიზნესის განვითარების უნარ-ჩვევების გაუმჯობესებისათვის ინდივიდუალური მიდგომის რეალიზების საშუალებას იძლევა. როგორც წესი, 1-2-1 მიდგომით უფრო სწრაფი შედეგების მიღწევა არის შესაძლებელი, ვიდრე ჯგუფური სწავლების შემთხვევაში.
სამართლებრივი წერა - ტრენინგების მთელი სერიაა სტილის, პრეზენტაციის, გრამატიკის, გავრცელებული შეცდომებისა თუ პუნქტუაციის თემებზე სპეციალურად იურისტებისათვის. ეს გახლავთ 2016 წელში მიღებულ გამოცდილებაზე დაყრდნობით „Nixedonia“-ს მიერ შექმნილი ექვსი უნიკალური სესიის ნაკრები, როდესაც შედგენილ იქნა იურისპრუდენციის სფეროთა უმეტესობის მომცველი „36 Rules of Writing” („წერის 36 წესი“).
New Client Hunting
|
Sales Networking
|
Pitching
|
Consultative Selling
|
Active Referrals
|
L2L Marketing
|
Cross Selling
|
Sales Writing
|